தேசிய விவசாயிகள் தினம்

🌾🌾வைகறை விடியலில் 

புது நாள் பூபாளராகம் 

இசைத்து அழைத்திட  

சோம்பல் முறித்து 

சட்டென்று எழுந்து 

வயலுக்கு விரைபவன் 

நம் விவசாயி 🌿🌿🌿

🌾🌾காலைத் தென்றல் சீராட்ட 

நெல்லோடும் புல்லோடும் 

நலம் விசாரித்து 

வரப்போடு கதைகள் பேசி 

விளைநிலம் இறையென 

தொட்டு வணங்கி 

வியர்வை காணிக்கை 

படைத்து 

உளம் மகிழ்பவன் 

நம் விவசாயி 🌿🌿🌿

🌾🌾ஊருக்கெல்லாம் உணவளிக்கும் 

இவனின் உணவு 

சில நேரங்களில் 

அரைவயிற்றுக் கஞ்சி 

பலநேரங்களில் 

முந்தைய நாளின் 

நீராகாரத்தோடு 

முடிந்து விடும் 🌿🌿🌿

🌾🌾தான் பெற்ற பிள்ளை மறந்து 

வளர்ப்பு பிள்ளைகளான 

வயல் நாற்றுகளோடு 

மொத்த பொழுதையும் கழிப்பதில் 

மனம் நிறைபவன் 

நம் விவசாயி 🌿🌿🌿

🌾🌾வாடிய பயிரை கண்ட போதெல்லாம் 

வாடிய வள்ளலாரின் 

பரம்பரையில் வந்தவன் அல்லவா 

வாடிய பயிரின் 

மனம் அறிந்தவனாய் 

நீர் பாய்ச்சி 

பாசத்தோடு தலைக்கோதி 

தேவை நிறைவு செய்து 

நெஞ்சம் நெகிழ்பவன்  

நம் விவசாயி 🌿🌿🌿

🌾🌾புயல், வெள்ளம், வறட்சி என் அத்தனைக்கும் 

தன் பிள்ளை  

தாக்கு பிடித்து நிற்க 

தினம் இறையடி 

தவறாது தொழும் 

நல்லவன் 

நம் விவசாயி 🌿🌿🌿

🌾🌾தன்னை சுகபத்திரமாய் 

வளர்த்தெடுத்து 

அழகிய மாணிக்க மணிகளாக 

வளர்த்தெடுத்த விவசாயிக்கு 

இதமாய் தலைசாய்த்து 

நன்றிப் பா இசைத்திடும் 

இந்தக் நெற்கதிர்கள் 🌿🌿🌿

🌾🌾ஆயிரம் அறிவியல் 

நம்மை ஆட்கொண்டாலும் 

நவீனத்தின் போதைக்குள் 

நம்மை தொலைத்தாலும் 

உண்ண உணவின்றி 

உயிர் கொண்டு 

வாழமுடியுமா மண்ணில்? 

🌾🌾உழவுக்கு வந்தனை செய்வோம் !

உழவனின் உன்னதம் போற்றுவோம் !

விவசாயியின் வியர்வை மதிப்போம் !

விவசாயம் போற்றிக் காப்போம்!!!