குழந்தைகள் தின வாழ்த்து

❣️சிங்கார சிட்டுகளுக்கு இனிய குழந்தைகள் தின வாழ்த்துகள் 💐💐

❣️குழந்தைகள் என்றாலே 

உள்ளூர ஒரு குதூகலம் 

மனசெல்லாம் மகிழ்ச்சி 

பூக்கள் பூத்துக் குலுங்கும் 

ஆத்மார்த்தமான உலகம் 

அலாதியான உலகம் !! 

❣️கள்ளங் கபடமற்ற 

விருப்பு வெறுப்புக்கு 

அப்பாற்பட்டவர்கள்!!

❣️அழகில் தேவதைகளாய் 

அன்பின் அர்த்தம் 

சொல்ல வந்தவர்கள் !!

❣️ஆனந்தத்தின் முகவரியாய் வந்த

ஆணவமில்லா அதிகாரம் இவர்கள் !!

❣️இதயம் நிறைந்த மன்னவர்களாய்

இன்பத்தின் இலக்கணம் 

கற்றுத் தந்தவர்கள் !!

❣️ஈகையில் இவர்கள் போல் இல்லை 

ஈடில்லா இம்சை அரசர்களும் 

இவர்களே !!

❣️உற்சாகத்தின் பிறப்பிடமாய் 

உலகம் போற்றும் உள்ளம் 

கொண்ட நாயகர்கள் !!

❣️ஊக்கம் தரும் உத்வேகமாய் 

ஊர் போற்றும் உள்ளம் 

கொண்டவர்கள் !!

❣️எண்ணத்தில் வண்ணம் கொண்டு 

எல்லாமும் ஏற்றம் காண 

கனா காணும் காவியங்கள் !!

❣️ஐயம் என்பதை அகராதியில் தகர்த்து 

ஐம்பூதங்களின் ஆசி பெற்றவர்கள் !!

❣️ஒற்றுமையின் ஒப்பற்ற உதரணமாக 

ஓதுவதில் ஒருநாளும் 

சலைத்திடாத தீரர்கள் இவர்கள் !!

❣️நிலவும் பாட்டியை 

வெட்ட வெளியில் நின்று 

விரல் நீட்டி தொட்டு விடும் 

விந்தை மனம் 

கொண்டவர்கள் குழந்தைகள் !!

❣️காற்றை கையில் பிடித்து 

வண்ணத்துப்பூச்சியின் 

வர்ணமெடுத்து 

வானவில்லுக்கு வர்ணம் பூசிடும் 

விசித்திர மனம் 

கொண்டவர்கள் குழந்தைகள் !!

❣️தோழனின் பின் சட்டை பிடித்து 

இரயில் வண்டி பயணத்தில் 

உலகையே வலம் வர நினைக்கும் 

பால் மனம் 

கொண்டவர்கள் குழந்தைகள் !!

❣️கல்லோடும் மண்ணோடும் 

ஒருநூறு நட்புக் கதைகள் 

பேசிப்பேசி குதூகலிக்கும் 

குறும்பு மனம் 

கொண்டவர்கள் குழந்தைகள் !!

❣️நிஜமாய் சிரித்து 

நிஜமாய் அழுது 

நிஜங்களுக்குள்ளே வாழும் 

சுவாரஸ்யமான நாவல் 

இந்த குழந்தைகள்!!

❣️முல்லை மலராய் 

வெள்ளை மனம் 

வஞ்சகம் இல்லா 

பிஞ்சு மனம்!!

❣️தினம் ஒரு பாடம் 

சொல்லில் தரும் ஆசான்கள் 

வண்ண வண்ண பூக்கள் 

வாசம் மிக்க பூக்கள்!! 

❣️புன்னகை சொர்க்கம் ஒன்றை 

பூமியில் காண வேண்டுமா 

வகுப்பறைக்குள் வந்து பாருங்கள்!!

❣️மொகல்  தோட்டத்து 

வாசமிக்க ரோஜாக்களாய் 

வண்ணங்களால் 

கண்களுக்கு விருந்தளித்து 

வண்டுகளின் ரீங்காரமென 

மழலை ததும்பிடும் 

கிளிப் பேச்சுக்கள் 

மெய் சிலிர்த்து போகலாம்!! 

❣️ குழந்தைகளை குழந்தைகளாகவே 

பார்ப்போம்;  நேசிப்போம் ;

இன்னும் இன்னும் அதிகதிகமாய்!!!!!!