என் செல்ல மகளுக்கு.....

மகள்கள் ❣️ தின வாழ்த்துகள் 💐💐 

என் அன்பு மகளுக்கு 

மகள்கள் தின வாழ்த்துகள்...

❣️எல்லோர்க்கும் வாய்ப்பதில்லை 

வரமாய் ஒருத்தி 

எனக்கு வாய்த்தாள் 

மகளெனும் வரமாய் !!!!!

❣️புத்தம் புதிதாய் பூத்த பூ இவள் 

வாடா மலராய் வந்த வசந்தம் இவள் 

புன்னகைமாறா பூ மகள் இவள் 

❣️பகலில் பகலவனின் ஒளி இவள் 

இரவில் வெண்ணிலாவின் 

பிரகாசம் இவள் 

 என் வாழ்வின் 

அர்த்தமாய் வந்தவள் இவள்

❣️ஐந்து வருடங்கள் 

மருத்துவத்தோடு போராட்டமா 

விதியோடு போராட்டமா 

தெரியவில்லை 

போராட்டங்கள் பல கடந்து 

நான் பெற்றெடுத்த 

பொக்கிஷம் இவள்!!!!

❣️என் செல்ல மகள் பிறந்தாள் 

எங்கள் வீட்டு மகாலஷ்மியாய் !!!

அதனாலே அவளுக்கு 

மகாலஷ்மி என்று பெயரிட்டேன் 

❣️பாசத்தில் இவள் போல் 

எவரும் இல்லை 

என் வீட்டு இளவரசியும் இவளே!!!

என் மனம் ஆளும் 

மகாராணியும் இவளே!!!

❣️உன் அழுகுரல் கேட்கும் முன்னே 

உனை அள்ளி அணைத்து 

அமுதூட்டிய நாட்கள்  

நீங்காத நினைவுகளாய்.... 

❣️தட்டுத்தடுமாறி நீ எழுகையில் 

மெல்ல சறுக்கிய உன் கால்களால் 

பூமித்தாய் பூரித்து நின்றாள் 

உன் பூவிதழ் முத்தம் 

பெற்றதையெண்ணி....... 

❣️விதியின் வழியில் 

உன்னைப் பிரிந்த 

 ஓராண்டு காலம்  

தவறவிட்ட தருணங்களாய் 

எனை ரணமாக்கிய காலம் 

உன் பாசம் எனை 

கட்டி இழுத்திட உன்னோடு 

மீண்டும் பயணம்

என் வாழ்வின் 

வளர்ச்சிகள் அத்தனையுமே 

நீ பிறந்த பின் தானே 

என் தேவதையே !!!!

❣️பசித்திருக்கும் பொழுதுகளில் 

பந்தியும் வைப்பாள் இவள் !!!

வேலைப்பளு கொண்ட நேரத்தில் 

பகிர்ந்தும் கொள்வாள் இவள் !!!

❣️ஆண்டுகள் பல தவமிருந்து 

வரமாய் வந்தவள் 

வாஞ்சையும்  தந்தவள் 

என் அன்னை எட்டி இருக்க 

அன்னையாய் அருகிருந்து 

அன்பு செய்யும் 

அழகு இராட்சசி இவள் !!!

❣️என் தோள் கடந்து 

வளர்ந்து நிற்கும் இவள் 

என் வயிற்றின் கருமணி !

என் உயிரின் கண்மணி !

❣️நடை கற்றுத் தந்த எனக்கு 

உடை வாங்கித் தந்த எனக்கு 

அடையாளமாய் அவள் அளிக்கும் 

அன்பு முத்தங்கள் 

ஆகப் பெரும் பரிசு 

❣️அம்மா என்று நீ அழைக்கும் 

ஒற்றை வார்த்தைக்கு 

ஆயுள் கைதியடி - நான் 

❣️பொன் சேர்க்கக் தேவையில்லை 

பொருள் சேர்க்கக் தேவையில்லை 

பொன்மகளே!!!! உனை 

ஊர்ப் போற்ற வளர்ப்பதே 

தவமென வாழ்கிறேன் 

என் செல்லமே!!! 

❣️உன் விடுமுறை நாளில் 

என் பள்ளி நாளில் 

என் தாயாய் நீ மாறி 

உன் குழந்தையாய் 

எனை பள்ளிக்கு அனுப்பிடும்

 சுகத்தை தினம் தினம் 

யாசிக்கிறேன் 

என் பூங்கிளியே!!!! 

❣️அன்னையெனும் பதவி தந்த 

அற்புதம் நீ எனக்கு 

பிள்ளையாய் மாறும் போது 

பெரும் வரம் நீ எனக்கு 

கொஞ்சி மகிழும் போது 

அலைகடல் நீ எனக்கு 

அள்ளி அணைத்திடும் போது 

தென்றலடி நீ எனக்கு 

❣️ஒருநாள் என்னைவிட்டு 

உன் அகம் செல்வாய் நீ 

ஒரு கணமும் உனைப் பிரியாது 

என் உயிர்நாடி  தங்கமகளே!!!!

 

❣️உன் நிழலாய் இருப்பேன் 

உன் வழியாய் இருப்பேன் 

உன் வசந்தமாய் இருப்பேன் 

❣️ மகிழ்ந்திரு

என் செல்ல மகளே!!!!

வாழ்வெல்லாம் வசந்தங்கள் 

உனை சூழ்ந்திட 

வாழ்த்துக்கள் 

என் உயிரானவளே!!!!!.........💐💐💐