நட்பெனும் உறவு தந்த என் இனியவளுக்கு

🌹

🌹புத்தம் புது காலை

புரியாத மொழி பேசும் 

புது முகங்களுக்கு மத்தியில் 

மருண்ட விழிகளோடு 

நின்ற எனக்கு 

பல வருடம் பரிட்ஷையம் போல் 

உன் முகம் மட்டும் !

🌹எண்ண அலைகள் 

நம்மை இழுத்திட 

நட்பெனும் உறவாடிக்

 கொண்டோம் 

முதல் நாளிலே !

🌹உன்னருகிருந்த நாட்கள் 

விரல் விட்டு எண்ணிடும் 

முப்பது நாட்களே ஆனால் 

ஒரு ஜென்ம பந்த உணர்வு !

🌹பற்கள் அத்தனையும் தெரிய 

பளிச்சென நீ சிரிக்கும் 

கள்ளமில்லா சிரிப்பில் 

எத்தனையோ முறை 

கரைந்திருக்கிறேன் !

🌹மடைதிறந்த வெள்ளமென 

படபடவென பட்டாசு போன்ற 

உன் பேச்சில் பலமுறை 

மெய்சிலிர்த்து நின்றிருக்கிறேன் !

🌹என்னிலும் இளையவள் நீ 

வயதில் மட்டுமே 

வாழ்க்கை அனுபவத்தில் அல்ல !

🌹ஆடலும் உனக்கு அத்வைதம் 

பாடலும் உனக்கு பரிட்ஷையம் 

பட்டிமன்றத்தில் நீ ராணி 

புரட்சிக் கருத்தில் நீ பாரதி

நவீனத்தில் நீ வித்தகி 

பள்ளியில் நீ தனிப்பெரும் தலைவி !

🌹என் உடல் பலவீனத்தில் 

தாயின் அரவணைப்பை 

உன்னிடம் கண்டேன் !

🌹காலில் காயம் பட்டபோது 

என் கால் தாங்கி 

எனக்காகவும் நீ நடந்தாயே 

மறந்திடுவேனா 

                மரணம் மட்டும் !

🌹வடிகின்ற கண்ணீரை துடைக்க 

நீ வந்த போது 

இது போதும் எனக்கு 

என்றெண்ணியது உண்டு!

🌹சோர்ந்து நின்ற நேரங்களில் என் 

பலத்தை பட்டியலிட்டு 

தேற்றினாயே 

நினைக்காமல் நித்திரை 

               கொள்வேனா !

🌹என் நெஞ்சம் வாழும் 

ஆசானையும் 

தோற்கடித்து நின்றாய் 

வாழ்க்கை பாடம் 

கற்றுத் தந்ததில் !

🌹சொல்லிக் கொள்ளாமலே 

ஒரே வண்ண ஆடையில் 

வலம் வந்த நாட்களிலெல்லாம் 

நினைத்துக் கொண்டேன்

நம்மில் எத்தனை 

ஒற்றுமை என்று

🌹உன் நிழல் படும் 

தூரத்தில் இருந்த 

நாட்கள் மட்டுமே 

என் வலி மறந்து 

சிறு குழந்தை போல் 

சலனமற்று 

பட்டாம்பூச்சியாய் 

சந்தோஷ சிறகடித்து 

பறந்த நாட்கள் 

நீங்காத நினைவாய் என்றும் !

🌹உணவோடு உடையும் 

உடையோடு உள்ளத்து 

உணர்வுகளையும் 

பரிமாறிக் கொண்ட 

பாசம் பந்தம் இது !

🌹உரிமையோடு உன்னோடு 

சிறு சிறு சண்டையிட்டு 

பொறாமையால் அல்ல 

உனை இழந்து விடுவேனோ 

என்ற பயத்தில் 

புரிந்து கொள்வாயா ?

🌹உனை வார்த்தைகளால் 

காயப்படுத்திய போது 

மனம் துடிக்கும் 

தவறுக்குப் பலநூறு 

மன்னிப்பு கேட்க 

உள்ளம் நினைக்கும் 

சில மன்னிப்போடு 

வார்த்தை நின்றுவிடும் 

      மன்னிப்பாயா ?

🌹இடையில் இடையில் 

என்னவோ 

எனக்கான இடம் உன்னால் 

பறிக்கப் பட்டது போல் 

தவறான புரிதல் அதுவே 

என் முட்டாள்தனத்தின் 

மூலகாரணம் 

என் தவறான புரிதலை 

மன்னித்து மறந்துவிடு 

        மனமிருந்தால் !

🌹நீ பரிசளித்த பர்சையும்

  பத்திரமாய் நம் 

  நினைவுகளால் நிரப்பி 

  வைத்துள்ளேன் என் 

  ஜீவனுள்ள வரை அது 

  என்னோடு 

  பொக்கிஷமாய் !

🌹ஏதேதோ நினைவுகள் 

 எனை வதைக்க 

  என் உள்ளம் 

  ஆறுதலாக நீ திட்டிடும் 

  வார்த்தை கேட்க 

  என் கைகள் 

 அலைபேசியில் உனை 

  அழைத்திடும் 

  இன்று மட்டுமல்ல 

  இந்த ஜென்மம் உள்ள வரை !

                                பிரியாத ப்ரியமுடன் 

                                                  உன் நட்பு